#筲箕灣爆水管 #筲箕灣 #水務署 #路政署 #KK園區 #賣豬仔 #緬甸詐騙園區 #香港法庭 #防騙 #上海交警機械人 #人形機械人 #恐怖谷 #香港新聞 #港聞 #廣東話直播
今晚直播三單新聞👇
💦 第一單：筲箕灣道爆水管，一鏟落去萬戶無水
10月27日朝早十點半，路政署承建商喺筲箕灣道修路，懷疑鑿穿一條用咗30幾年嘅18吋鑄鐵食水主幹管，六米高黃泥水柱夾住沙石射上樓，擊爆福音護老中心玻璃，82歲婆婆手腳割傷送院；地下點心店「點點小廚」浸晒，女員工被碗口大石頭擦身而過「驚到行都唔識行」，老闆估計損失30萬。超過一萬戶停水大半日，水車排隊「人等水車而非水車等人」，超市樽裝水貨架清空，健身室排隊沖涼。路政署道歉但話承建商開工前有「探雷」，水務署強調係外力唔係老化。筲箕灣今年3月、7月、10月三次爆喉，責任邊個負？損失邊個賠？
⛓️ 第二單：美容師賣兩個朋友入緬甸KK園區，判囚4年
33歲美容師潘心怡以「免費去加拿大日本旅行」做餌，臨出發改去泰國、要求刪除對話紀錄、自己冇上機，兩個女仔落機後被持刀持槍男子押過河賣入KK園區，開價50萬美金贖身，兩家人最後合共畀咗約56萬港元先贖得返。法官謝沈智慧三次聆訊金句連發：「人哋啲父母呢？」「揸住支槍押你入去仲叫冇恐嚇呀？」「小心啲，你踩晒線啦已經。」最後斥被告歹毒及泯滅人性。更大問題係：香港根本冇人口販運罪，呢類案只能告欺詐，區院上限7年；近五年至少78名港人被賣豬仔，但只有兩宗案三個人被判刑。KK園區2025年10月被緬軍攻佔拆咗635棟樓，但妙瓦底新園區已經死灰復燃。
🤖 第三單：上海人形交警機械人，夜晚藍光嚇到網民叫「紙紮人」
著制服、戴警帽、白手套、分男女造型，雙腳固定喺四輪底座滑行，夜晚底座藍光由下照上，網民：「萬聖節？」「白天高科技，晚上恐怖片」。其實佢哋7月世界人工智能大會已經上崗，官方叫「全能輔警」。
💬 住筲箕灣西灣河嘅朋友，留言分享你嗰日去咗邊度攞水？
🔔 訂閱＋開啟小鈴鐺，唔好錯過每晚新聞拆解直播
コメント